ရင်နှင့်ရင်း၍ (ခ) ကဆုန်ပေါက်နေသော ကောမန့် များ (တဂ်ပိုစ့်)

“အဆုံးစွန်သော ပျော်ရွင်မှုဆိုတာ လူတွေ ကိုယ့်အပေါ်မေတ္တာထားတယ် ဆိုတာ သိရခြင်းပဲတဲ့”

အပေါ်က ဒသန စကားစုလေးကို မဂ္ဂဇင်းတစ်အုပ်မှာ ကြိုက်လို့  ကူးထားမှတ်ထားခဲ့တာပါ။ ဟိုတုန်းက ရေးရေးလေး သာမြင်ခဲ့တဲ့ ဒီစကားစုဟာ ဘလော့ရွာထဲမှာ ကဗျာမပီ စာမပီ တွေရေးနေတဲ့ အခုအချိန်မှာ ပိုနားလည်ခဲ့မိတယ်။ ခင်မင်မှုအနေနှင့် အော်သွားတဲ့ စကားလုံးပဲဖြစ်ဖြစ်၊ တဂ်ပိုစ့်ခေါင်းစဉ်ပြောသလို ရင်နှင့်ရင်းပြီး မွေးဖွားလိုက်တဲ့ စကားလုံးပဲဖြစ်ဖြစ် အားလုံးသော စကားလုံးကောမန့် တွေဟာ စာရေးသူ တစ်ယောက်အတွက် ပျော်ရွင်မှုအဟာရ ပေးဆောင် စားသုံးစေသလိုပါပဲ။

ကျွန်တော် ဘလော့ဆိုတာကို မရင်းနှီးခင်တုန်းက “တစ်ခါတုန်းက တစ်နေရာ” ဆိုတဲ့ ကျောင်းအမှတ်တရ အနေနှင့် ကဗျာတစ်ပုဒ်ကို မော်လမြိုင် နည်းပညာတက္ကသိုလ် ဝဘ်ဆိုဒ်မှာ ပထမဦးဆုံး တင်ဖြစ်ခဲ့ပါတယ်။ နောက်နေ့ ကျတော့ ကဗျာ့အောက်မှာ စီနီယာတစ်ယောက်ဖြစ်တဲ့ ကိုမင်းသူ ဆီကနေ ပထမဆုံးသောကောမန့်  ကို ရရှိခဲ့ပါတယ်။ အဲဒီနေ့ ကစပြီး ကျွန်တော် စာရေးချင်တဲ့ ပိုးတွေ ထိုးရွလာပါတော့တယ်။ စည်းဝိုင်း အပြင်မှာပဲ လက်ခုပ်တီးတတ်တဲ့ ကျွန်တော် စည်းဝိုင်းအတွင်းကို ပို့ ဆောင်ပေးတဲ့ ကောမန့်  ဆိုလဲ မမှားဘူးပေါ့။

ကျွန်တော် ၂၀၀၉ ဇန်နဝါရီ ၂၈ ရက်နေ့ မှာ “တစ်ခါတုန်းက တစ်နေရာ” ဆိုတဲ့ ကဗျာနှင့်ပဲ ဘလော့အိမ်ကို လူမသိသူမသိ ဘလော့ရွာမှာ စတင်တည်ဆောက်ခဲ့တယ်။ ကဗျာလေးပုဒ် ရေးပြီးတဲ့အချိန်ထိ လူကြားမှာ ချပြဖို့  မဝံ့မရဲ ဖြစ်နေတုန်းပါပဲ။ လမ်းညွှန်ဆိုင်းဘုတ် လည်းမတပ်ခဲ့သလို နီးစပ်ရာအိမ်တွေ လည်ရကောင်းမှန်းလည်း မသိခဲ့ပါဘူး။ ဘလော့ မလုပ်ခင်ကတည်းက ရင်းနှီးတဲ့ မကြယ်ပြာ နှင့် မမြရေလျဉ် တို့ နှစ်ယောက်ကို လာလည်ဖို့  ဘလော့လိပ်စာကို ရင်တထိတ်ထိတ်နှင့် စပေးခဲ့တယ်။ မနက်ခင်းနှင့်အတူ လွမ်းနေဆဲ ဆိုတဲ့ ပိုစ့်မှာ အဦးဆုံး ကောမန့် ကို မကြယ်ပြာ ဆီကနေ ရရှိခဲ့သလို သူ့ အိမ်မှာလည်း လင့်ချိတ်ပေးခဲ့သေးတယ်။ အဲဒီ ကောမန့် ဟာ ကျွန်တော့်ဘလော့ရဲ့  ခြေလှမ်းအစ ကို ချိုမြိန်စေခဲ့တယ်။

လမ်းလျှောက် တတ်ကာစ ကလေးတစ်ယောက် အတွက် ယုံကြည်မှု ဆိုတာ မရှိမဖြစ် လိုအပ်သလိုပဲ ဘလော့ရေးခါစ အစောပိုင်းကာလတွေမှာ အားပေး တွဲခေါ်ခဲ့ကြတဲ့ ကောမန့် ပိုင်ရှင်တွေဆိုလည်း မေ့လို မဖြစ်တဲ့ တွဲလက်များတွေပါ။ နောက် ဘလော့စတင်ပြီး ယနေ့ အထိ မြေသြဇာ ဖြည့်ပေးခဲ့ကြတဲ့ ကောမန့် စကားလုံး အားလုံးအားလုံး တွေ ကြောင့် ကျွန်တော်အိမ် ရှင်သန်ရပ်တည် နိုင်ခဲ့တယ်ဆိုတာ မပိုသော စကားတွေပါ။ ကဆုန်ပေါက်နေသော ကောမန့် စကားလုံးများလို့ တိတ်တိတ်လေး ကျွန်တော် နာမည် ပေးထားတဲ့ ဒီကော်မန့် အားလုံးကို ရင်နှင့်အမျှ တန်ဖိုးထားပါတယ်။

အပင်တစ်ပင်စိုက်ရင် သီးပွင့်လာမဲ့ သစ်သီးတွေ မျှော်ရသလို ကျနော့် ရေးလိုက်တဲ့ ကဗျာမဟုတ် စာမဟုတ် ခေါင်းစဉ်တပ်လို့ မရတဲ့ စာတစ်ချို့ အတွက်လည်း အားနာနာနှင့်ပဲ ကောမန့် တွေ ထပ်မျှော်နေမိအုံးမှာပါ။ တဂ်ပိုစ့်အဖြစ် တဂ်ထားကြတဲ့ ကိုသားကြီး နှင့် ရေတမာ တို့  ကျေနပ်ကြမယ်လို့  ထင်ပါတယ်။ တဂ်ပိုစ့် ဆိုတဲ့အတိုင်း ထပ်တဂ်ချင်ပါတယ်။ ဘယ်သူပေါက်လဲဆိုတာ ကံစမ်းမဲ နှိုက်ကြည့်ကြပါလား။ ပျော်စေချင်လို့  :)

ကံစမ်းမဲ.........၁ ၂ ၃ ၄ ၅