ဆေးမလွင့် အနံ့ မပြယ်

လက်မှာ လွယ်အိတ်မည်းမည်း တစ်လုံး ဆွဲထားပြီး ခပ်သုတ်သုတ် လျှောက်နေတဲ့ လူတစ်ယောက်။ အင်းးးး လျှောက်သည် ဟုဆိုရမှာထက် ပြေးသည်ဟု ဆိုရရင် ပိုမှန်မလားပဲ။ အောက်ပိုင်းမှာ အုန်းနှစ်ပင် အစိမ်းရင့်ရင့်နှင့် အပေါ်ပိုင်းမှာ အဖြူ လည်ကတုံးကို တွဲဝတ်ထားသည် ဆိုတော့ ထိုလူသည် ကျောင်းသား ဟုတ်ရင်ဟုတ် မဟုတ်ရင် ကျောင်းဆရာပေါ့ဟု စုံထောက် ဦးစံရှားလို တွေးလိုက်သည်။ အနားသို့  နည်းနည်းနီး လာတော့ ထိုလူသည် မျက်စိလေးလုံး နှင့်လူ (ဝါ) မှန်ကြောင် ဆိုသော ဘွဲ့ ထူး ကိုလည်း ပိုင်ဆိုင်မှန်း တွေ့ လာသည်။ ကျွန်တော်တို့ ရွာလေးမှာ ထိုကျောင်းဆရာ ဘယ်တုန်းက ရောက်လာပါလိမ့်။ ကိုယ့်နှင့်ရွယ်တူ ထိုကျောင်းဆရာ ပြေးနေတာကအကြောင်းမဟုတ် ကိုယ်လိုရွာမှာ အလုပ်မရှိအကိုင်မရှိနှင့် လမ်းပေါ်မှာ လှည့်ပတ်နေတဲ့ ကောင်အတွက် မျက်နှာပူမိတာအမှန်။ ကိုယ်မလုပ်နိုင်တဲ့အလုပ်ကို လုပ်နေတဲ့သူကိုကြည့်ရင်း တစ်ခုခုကူညီဖို့  ထိုကျောင်းဆရာအနီး အရောက်မှာ ဆိုင်ကယ်လီဗာ နည်းနည်း လျှော့လိုက်သည်။

ကျောင်းဆရာ ကျောင်းဆရာ

ကျွန်တော့် အော်ခေါ်သံ ကြားတော့ ထိုကျောင်းဆရာက လှည့်ပင်မကြည့်ပဲ စကားတစ်ခွန်း လှမ်းပြောလိုက်သည်မှာ ချိုသက်သက်။

ဆိုင်ကယ်တက္ကစီ မလိုဘူးဗျ

မဟုတ်သေးပါဘူး ဒီကျောင်းဆရာတော့ ဆိုပြီး ထပ်ဆင့် ကျွန်တော့် အော်ခေါ်သံကြားမှ ထိုကျောင်းဆရာ မျက်မှန်ကိုလည်းပင့် နဖူးက ချွေးတွေလည်း တပြိုင်နက် သုတ်လိုက်ပြီး အနောက်ဖက် စောင်းကြည့်သည်။

ဘာလဲခင်ဗျ ………ဟာ မင်းးးးးးးးးးးး

ဘုဆတ်ဆတ်ဘက် ယိမ်းနေတဲ့အသံကနေ အံ့သြတဲ့ အသံဘက် ချက်ချင်းပြောင်းသွားတဲ့ ထိုကျောင်းဆရာ၏ အသံကို ကျွန်တော်ချက်ချင်းမှတ်မိသွားသလို ပါးစပ်ကနေ ထွက်သွားမိတာက

ဟာ……… ငပြဲ

ကျွန်တော့်အသံလည်း ကြားရော ကျောင်းဆရာ(ခ)ငပြဲမျက်နှာ ချက်ချင်းအိုသွားသည်။ ငပြဲ ဆိုတဲ့ ငယ် နာမည်ကြောင့် ဖြစ်သည်။ အနားမှာ ဖြတ်သွားတဲ့ ကျောင်းသား/ကျောင်းသူလေးတွေ မရှိသေးလို့  တော်သေးသည်ဟု တွေးရင်း

လိုက်ခဲ့ သူငယ်ချင်း။ ဟိုဆိုင်မှာ လက်ဖက်ရည် ထိုင်သောက်ကြရအောင်။ ကျောင်းတက်ဖို့  နာရီဝက် လိုသေး တာပဲ မဟုတ်လား။

အားးးးးးးးမရဘူး မရဘူး ငါထိုင်လို့ မရဘူး ထိုင်လို့ မရဘူး

ပလုံးပထွေးနှင့် ငပြဲ (ဝါ) ကျောင်းဆရာ အကြောက်အကန်ငြင်းသည်။ ဆယ်နှစ်ကျော် ခွဲခွာပြီးမှ တွေ့ ရတဲ့ သူငယ်ချင်း တစ်ယောက်နှင့် လက်ဖက်ရည်ဆိုင် ခဏထိုင်ဖို့  အကြောက်အကန် ငြင်းနေမိတဲ့ ကျောင်းဆရာကို စိတ်ထဲ နည်းနည်းတော့ ချဉ်မိသွားသည်။

အိုကေ ကျောင်းဆရာ အချိန်မှ မပေးနိုင်တာကွာ သွားကြတာပေါ့

.-._.-._._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.-._.-.


ညီအစ်ကို မသိတသိ အချိန်ရောက်တော့ ကျောင်းဆရာ တစ်ယောက် ကျွန်တော်တို့ အိမ်ကို ရောက်ချလာ ပါတော့တယ်။ မနက်တုန်းက ဒီဇိုင်းနဲ့ မဟုတ်တော့။ ဝတ်စုံ ပြောင်းသွားသလို လေသံကလည်း တက်ကြွမှုနှင့် လက်ဖက်ရည်ဆိုင် ထိုင်ဖို့ သူကပဲ စခေါ် နေသေးသည်။ ကျွန်တော် နည်းနည်း ချဉ်နေသးတဲ့ အရှိန်က မပြေသေးပေမဲ့ နှစ်ယောက်သား လက်ဖက်ရည်ဆိုင် အတူတူရောက်ဖြစ်သွားကြသည်။ လက်ဖက်ရည်ဆိုင်ရောက်တော့ ကျောင်းဆရာ၏ ရင်တွင်းစကားတစ်ချို့ ဖွင့်ဆိုလိုက်ပုံက ဒီလို ဒီလိုပါတဲ့ခင်ဗျာ.....

သူငယ်ချင်း ငါမနက်တုန်းက လက်ဖက်ရည်ဆိုင်ထိုင်မိရင် ငါ့ယူနီဖောင်းက ငါ့ကြောင့် ဒဏ်ရာ ရသွားလိမ့်မယ်။ အခြား လူတွေ လက်ဖက်ရည်ဆိုင်ထိုင်ရင် အပြစ်ပြောတဲ့သူ မရှိပေမဲ့ အဖြူနှင့် အစိမ်း ဝတ်စုံ ဝတ်ပြီး လက်ဖက်ရည်ဆိုင်မှာ လေပေါနေရင် ငါ့တပည့်တွေ နှင့် တပည့်မိဘတွေက အပြစ်မပြောပေမဲ့ လေးစားခြင်းတွေ ပျက်တယ်ကွ။ ရှေးရှေးဆရာ၊ဆရာမတွေ ကတည်းက ထိန်းသိမ်းလာခဲ့တဲ့ ဒီယူနီဖောင်း ဂုဏ်သိက္ခာ က ငါတို့ ခေတ်သစ်ဆရာတွေ လက်ထက်ကျမှ မြောင်းထဲ မရောက်စေချင်ဘူး။ ဖြူစင်ခြင်းဆိုတဲ့ အဖြူရောင်ရဲ့ ဂုဏ်သတ္တိ ကို ငါတန်ဖိုးထားတယ်။ ဇွန်ဇူလိုင် ကျောင်းဖွင့်ရာသီနှင့် အပြိုင် စိမ်းလန်းနေတဲ့ ပတ်ဝန်းကျင်နှင့်အတူ စိမ်းလန်းဖျတ်လတ်လှတဲ့ ငါတို့ ရဲ့  အစိမ်းကို တန်ဖိုးထားတယ်။ ဘယ်တော့မှ ငါတို့ ခေတ်သစ်ဆရာတွေကြောင့် မည်းညစ်သွားတဲ့ အစိမ်းရောင် နှင့် အဖြူရောင် ယူနီဖောင်း အဖြစ် မမြင်စေချင်တာပါပဲ။

ဒီစကားလုံးရဲ့ အတိမ်အနက် တွေကို ကြည့်ရင်း ရွယ်တူသူငယ်ချင်းကျောင်းဆရာတစ်ယောက်ရဲ့  ကျောင်းဆရာယူနီဖောင်းအပေါ် တန်ဖိုးထားမှုကို ကျွန်တော်ချီးကျူးမိတာတော့အမှန်။ ကိုယ်ကိုယ်တိုင် တန်ဖိုးထားမှ တန်ဖိုးတက်တာပါတဲ့။ တန်ဖိုးမထားတော့ရင် ရှေးရှေးတုန်းက သတ်မှတ်ခဲ့တဲ့ ယူနီဖောင်း အရောင်အဓိပ္ပါယ် ဟာ ဆေးလွင့်သွားသလိုပါပဲ။ ယနေ့ အထိ အဖြူနှင့် အစိမ်း ဆင်မြန်းထားတဲ့ ဆရာ၊ဆရာမတွေရဲ့  ဝတ်စုံကကတော့ သူတို့ ထိန်းသိမ်းတဲ့ ဂုဏ်သိက္ခာကျက်သရေ ရနံ့  အပေါင်းနှင့်အပြိုင် မွှေးဆဲ လန်းဆဲ ။။။။။