ကျွန်တော် နှင့် မိတ်ဆွေကောင်းများ

Wednesday, June 17, 2009

8 comments
ဟင်းအမယ်စုံတဲ့ ထမင်းဝိုင်း တစ်ဝိုင်းမှာ အရသာရှိတဲ့ ဟင်းခွက်ကြောင့် ခံတွင်းမြိန်စေတာမဟုတ်လား။ အဲဒီလိုပဲ လူအမျိုးမျိုး စိတ်အထွေထွေနှင့် ပတ်ဝန်းကျင်ထဲမှာ စစ်မှန်တဲ့ မိတ်ဆွေကောင်းတွေကြောင့် ဘဝဟာ ချိုမြိန်သာယာနိုင်စွမ်း ရှိကြမယ် ဆိုတာ ငြင်းလို့ မရဘူးထင်ပါတယ်။ ခင်မင်ခြင်း ဆိုတဲ့ စိတ္တဇနာမ်ကို လက်ဆုပ်လက်ကိုင် ပြလို့ မရပေမဲ့ စကားတစ်ခွန်း ၊ အပြုအမူ တစ်ချို့ တစ်လေတွေနှင့် မိတ်ဆွေကောင်း သူငယ်ချင်းကောင်း ဆိုတာကိုတော့ အသိအမှတ်ပြုနိုင်ကြမှာပါ။

မိတ်ဆွေကောင်းတွေနဲ့ အတူရှိနေခြင်းက အထီးကျန်ဆန်မှုဆိုတဲ့ ဝေါဟာရနှင့် ကင်းကွာခွင့် ရရှိစေတာကိုတော့ ကျွန်တော် အမက်မောဆုံးပါပဲ။ ငယ်ငယ်ကတည်းက ကျွန်တော် အပေါင်းအဖော်မက်ပါတယ်။ ကျောင်းပိတ်ရက် တောင်မှ ဘောလုံးကန်၊ ရေကူး နှင့် သူငယ်ချင်းတွေနှင့်တရုံးရုံးရှိနေတတ်ပါတယ်။ ကျွန်တော် ကျောင်းမတက်နိုင်လို့ စာကူးပေးရမယ်ဆိုရင် သူငယ်ချင်းကောင်းပီသချင်တာနဲ့  အပြိုင်အဆိုင်စာကူးပေးချင်တဲ့ အပေါင်းအဖော်တွေကိုတွေးတိုင်း ကြည်နူးမိပြန်တယ်။ မိတ်ဆွေစစ် မိတ်ဆွေကောင်းတွေဆိုတာ နွေးထွေးမှု ကြည်နူးမှု ဆိုတဲ့ ရသတွေပြည့်လျှံနေတာပါပဲ။

ကိုယ်တိုင်ဖြေရှင်းရမဲ့အခက်အခဲနဲ့ ကြုံတိုင်း “စိတ်ဓါတ်မကျနဲ့  မင်းလုပ်နိုင်မှာပါ” စကားတစ်ခွန်းကို အမြဲနှစ်သိမ့် ပေးတတ်တဲ့ သူငယ်ချင်းတွေလည်း ကျွန်တော် အတိုင်းမသိ ကျေးဇူးတင်မိတယ်။သူတို့  ပေးတဲ့ စိတ်ဓါတ် ခွန်အားတွေ ကနေ စတင်မြစ်ဖျားခံပြီး ရင်ဆိုင်နိုင်ခဲ့တဲ့ ဘဝတိုက်ပွဲတွေလည်း အမှတ်ရစရာတွေပါ။ မိတ်ဆွေကောင်းတွေဆီကနေရရှိတဲ့ ရဲရင့်ခြင်း ၊ ယုံကြည်မှုတိုးတက်စေခြင်း ဆိုတဲ့ လက်ဆောင်ကလည်း အမြတ်တနိုးတန်ဖိုးထားစရာ ကောင်းလွန်းလှပြန်တယ်။

ကျွန်တော် မိုက်ရူးရဲဆန်ပြီး လမ်းမှားတွေလျှောက်မိတဲ့အခါတွေမှာ အမုန်းခံပြီး စိတ်ရှည်လက်ရှည်နှင့် လမ်းမှန်ရောက်အောင် ပြုပြင်ပေးတတ်သလို၊ အတ္တကြီးသလိုဖြစ်သွားတဲ့ အဖြစ်အပျက်တစ်ချို့ မှာလည်း ချစ်သောမျက်စိဖြင့် ဝေဖန်ရှင်းပြရဲတဲ့ သူငယ်ချင်းကောင်း မိတ်ဆွေကောင်းတွေဟာလည်း မရှိမဖြစ်ပါပဲ။ ပန်းတိုင် မယိမ်းယိုင်လျှောက်နိုင်ခဲ့တာ တူညီတဲ့ခြေလှမ်း၊ မနောချင်းနီးစပ်တဲ့ မိတ်ဆွေစစ်တွေကြောင့်ပါပဲ။

ကမ္ဘာ့ ရွာကြီးလို့ တင်စားထားတဲ့ ဒီခေတ်ကြီး ထဲမှာ ရည်မှန်းချက်တွေအတွက် ရေခြားမြေခြားမှာ ရှိနေကြပေမဲ့ အစိမ်းရောင် မီးသီးလေး ရဲ့ တစ်ဖက်ကနေ ရင်ဖွင့်တိုင်ပင်လို့  အကျိုး နှင့် အကြောင်း အတူတူခွဲခြားပြီး ဝမ်းနည်းခြင်း ဝမ်းသာခြင်း မျှဝေကြတဲ့ ထာဝရမိတ်သဟာတွေဟာလည်း ဆုလာဘ်ပါပဲ။ ဒီလို အရှိကို အရှိတိုင်း စိတ်ရင်း မှန်မှန်နှင့် ဆက်ဆံပေးတဲ့ မိတ်ဆွေတွေရဲ့  အခန်းဂဏ္ဌကလည်း အရေးပါလွန်းလှပြန်တယ်။

အပေါင်းအသင်းတွေနဲ့  တွေဆုံခွင့်ရတဲ့ အခိုက်အတန့် ဒီအချိန်လေးတွေဟာ တန်ဖိုးရှိလွန်းပါတယ်။ နှောင်းမှ သတိတရနှင့် တမ်းတနေခြင်းက မိုးပျံပူဖောင်း လက်ကနေ လွှတ်လိုက်သလိုမျိုး ပြန်ရဖို့ မလွယ်တော့ပါဘူး။ ဓူဝံကြယ် တစ်စင်းထဲ အဖော်မဲ့ပြီး ပိုတောက်ပနေတာထက် ခုနှစ်စင်ကြယ်လို အပေါင်းအဖော်တွေနဲ့  ရောင်ခြည်ဖြာလို့ အလင်းဆောင်နေတာကိုတော့ ပိုနှစ်ခြိုက်မိတာအမှန်ပါပဲ။

မိတ်ဆွေသူငယ်ချင်းနှင့် ပတ်သက်ပြီး တဂ်ထားတဲ့ ညီမလေးဇော် ရေ ကျေနပ်ပေးပါနော်။ ဒီတဂ်ပိုစ့်လေးကို ဆက်တဂ်ချင်ပေမဲ့လည်း တော်တော်များများရေးပြီးကြနေပြီး။ လူမှုကျင့်ဝတ်မှာပါတဲ့ မိတ်ဆွေကျင့်ဝတ်လေး ကို ကျွန်တော်အခု ပြန်ဖတ်ကြည့်ရင်း ချရေးကြည့်မိပါတော့တယ်။

ပေးကမ်း ချီးမြှင့် ၊ ကိုယ်နှင့် ယှဉ်ထား
စီးပွားဆောင်ရွက် ၊ နှုတ်မြွတ် ချိုသာ
သစ္စာ မှန်စေ ၊ ဝတ်ငါးထွေ ကျင့်လေ မိတ်သဟာ

သူ နှင့် အတူ

Thursday, June 11, 2009

13 comments


အပေါ်ယံ အရောင်တွေ အဆင်တွေက ရာသီဥတု အပြောင်းအလဲကြောင့် သူ့  ကို လူတွေ ပြောင်းလဲပြစ် ခဲ့ကြသလိုမျိုး သူ့ ရဲ့ အတွင်းသဘောကို ကျတော့ အသက်အရွယ် အပိုင်းအခြား နှင့် အခြေအနေ တွေက ပြောင်းလဲ လိုက်ကြတယ်။ ပြောင်းလဲမှုနှင့်အတူ လေးနက်ခြင်းတွေ ပါဝင်လာတဲ့ သူ့ ကို ကျွန်တော် တစ်ခါတစ်လေ ပြစ်ချချင် ခဲ့သလို တစ်ခါတစ်လေတော့လည်း မက်မက်မောမော တွယ်တာနေမိခဲ့တော့တယ်။


ငယ်ရွယ်စဉ် ကလေးဘဝတုန်းက သူဟာ ရည်မှန်းချက်တွေ ထုတ်ပိုးသယ်ဆောင်ပေးလို့  ကျွန်တော်နှင့် အတူတူရင်ဆိုင်ဖြတ်သန်း ပေးခဲ့ဖူးတယ်။ လမ်းညွှန်ပြသပေးမဲ့ ဆရာဆရာမ၊ နွေးထွေးတဲ့ မိဘအသိုက်အမြုံ ၊ မြူးထူးခုန်ပေါက်ဖော် ချစ်စရာသူငယ်ချင်းလေးတွေကြောင့် လျှောက်ခဲ့ရတဲ့ အဖြူအစိမ်း ဘဝ လေး ဟာ အရာရာမက်မောစရာတွေနှင့် ဖြူစင်ရိုးသားစွာ သူနှင့်အတူ ကုန်လွန်ပြီးမြောက်ခဲ့တယ်။ ရည်မှန်းချက်ရဲ့ ဆုံမှတ် ဝါသနာပါရာ လမ်းစအထိ သူလိုက်ပါပို့ ဆောင်ခဲ့ပြီးတဲ့ နောက်မှာတော့ သူနဲ့  အခိုက်အတန့် လေး ဝေးကွာခဲ့တယ်။


နောက်တော့ ယုံကြည်မှု ခပ်ပါးပါးလေးထုပ်ပိုးပြီး ထည်ဝါခံ့ညားတဲ့ ကျောင်းပရဝဏ်ထဲကို ခြေချပြန်တော့လည်း သူဟာ အဆင်တစ်မျိုးနှင့် ကျွန်တော်နဲ့ အတူ မခွဲမခွာရှိနေခဲ့ပြန်တယ်။ လက်တွေ့ အသက်မွေးပညာရပ်တွေနှင့် ကျယ်ပြန့် လှတဲ့ လူမှုဆက်ဆံရေးပညာရပ်တွေကို ပေးဝေတဲ့ တက္ကသီလာမှာ ပညာနှင့်စိတ်အဟာရ သောက်သုံးခဲ့တဲ့အချိန်တွေရော သူကအနားမှာပါပဲ။ချစ်ခြင်းများနှင့်သီတဲ့ကဗျာတွေ ကိန္ဒရီ ကိန္ဒရာအလွမ်းတွေ ခြွေခဲ့တဲ့ ကဗျာစာအုပ်လေးတွေရဲ့  နင့်နင့်နဲနဲ အလွမ်းထုကြီးကိုလည်း သူက မငြိုမငြင်သယ်ခဲ့ပေးတယ်လေ။ အဲဒီတုန်းကဆိုရင် ကျွန်တော်ပျော်သလိုပဲ သူလည်း လန်းဆန်းပေါ့ပါးစွာနှင့် လေမှာလွင့်နေမှာပါပဲ။


ဒီလိုနှင့် နာရီလက်တံ ပြောင်းလဲကုန်ဆုံးသွားတာနှင့်အတူ အပြောင်းအလဲ ကိုရင်ဆိုင်ကြဖို့ ကျွန်တော်အပါအဝင် သူလည်းပါလာခဲ့ပြန်တယ်။ အခုဆိုရင် အလုပ် တာဝန်တွေ နေရာယူလို့  သူလည်း လေးလံနေလောက်ပြီး။ အရင်ကလို ပေါ့ပေါ့ပါးပါးအရာတွေ သယ်ဆောင်ပေးခဲ့သလိုမျိုး မသွက်လက်တော့ဘူးထင်ပါတယ်။ တစ်ခါတစ်လေ သူ့ ညည်းသံသဲ့သဲ့တောင်ကြားမိသေးတယ်။ ဒါက “လူ့ ဘဝ ဝင်ကာစ တံခါးပေါက်ပဲ ရှိသေးတယ်”လို့ ကျွန်တော်က ခပ်တိုးတိုး အားပေးမိတယ်။ ကျွန်တော်ကရော မိဘအေးရိပ်မြုံနဲ့  ဝေးကွာ ၊ တိုင်ပင်ဖော်သူငယ်ချင်းတွေမဲ့တဲ့ ဒီနေရာမှာ အားငယ်နေလို့  ဖြစ်ပါ့မလား။ အရှုံးတွေကို လက်ကမ်းဖို့ မှ ကျွန်တော်က သတ္တိ မရှိဘူးဆိုရင် ၊ လာမဲ့မနက်ဖြန်တွေမှာ မျှော်လင့်ခြင်းနဲ့ ထုဆစ်မဲ့ ကျွန်တော့်မူပိုင် အိမ်လေးရုပ်လုံးပေါ်ဖို့ ဆိုရင် သူ ဆိုတဲ့ ပခုံးထက်မှာ အမြဲနေရာယူခဲ့တဲ့ အဖော်မွန်လွယ်အိတ်လေး ကိုလွယ် ကျွန်တော် တိုက်ပွဲဝင်ဆင်နွှဲရအုံးမယ်။

အိုးမိုင် ဂရမ်းမား.......အိုးမိုင် ဂရမ်းဖား တို့ 

Tuesday, June 2, 2009

13 comments
(ပုံကို www.google.com မှ ရရှိသည်။)

ပတ်ဝန်းကျင်မှာ “ငါ မြေးချီချင်နေပါပြီးတော်” ဆိုတဲ့ အဘွားအိုတို့ ရဲ့ ပူဆာသံ၊ “ဂိုး…...ဂိုး” ဆိုပြီး မြေးနှင့်အတူ ဆော့နေတတ်တဲ့ အဘိုးအိုတွေရဲ့ ပျော်ရွှင်ဖွယ်မြင်ကွင်းလေးတွေကို ကြားရမြင်ရတိုင်းကျွန်တော်ရဲ့  “ဂရမ်းမား ဂရမ်းဖား” တို့ ကို သတိရမိတယ်။ ကျွန်တော်က မြေးဦး ဆိုတော့ သူတို့ ရဲ့  အချစ်ကို တစ်ပြုံကြီး ရခဲ့သလို ကျွန်တော်ကလည်း သူတို့  ကို သံယောဇဉ် ကြီးပါတယ်။ “သားအချစ် မြေးအနှစ်”တဲ့ မဟုတ်ဘူး လား။ ငယ်ငယ်တုန်းက သူတို့ နှင့် လက်ပွန်းတတီးနေလာခဲ့တော့ သူတို့ ရဲ့ ပုံရိပ်တွေ မျက်စိထဲ တဖြတ်ဖြတ် မြင်ယောင်မိတယ်။

(၁)ဘိုးစီ
ကျွန်တော်ရဲ့  အမေ ဘက်က အဘိုးစီ အကြောင်း အရင်ပြောပြမယ် ။ သူက ကြုံတိုင်းရွာက သူကြီးဘစီတော့ မဟုတ်ဘူး ။ ဒါပေမဲ့ သူ့ ခေတ်တုန်းက “အုတ်ကထ” ပေါ့ ။ နောက်ပြီး အဘိုးက ဘုန်းကြီးကျောင်းဆင်း ပီပီ သားသမီး မြေးတွေ စုပြီး ဆုံတိုင်း ဆုံးမစကားတရားဟောလေ့ရှိတရ်။ တရားတော့ အဟောကောင်း အပြောကောင်းပဲဗျို့ ။ နောက်မှ အဖွားဆီသိရတာက အဘိုးက တရားကြီးပဲ ဟောလို့ ကောင်းတာ မဟုတ်ဘူးတဲ့။ သူလူပျိုတုန်းက အပြောကောင်းတော့ ကောင်မလေးတွေ ဝိုင်းဝိုင်းလည်တယ်တဲ့လေ။ ဝမ်းနည်းဖို့ ကောင်းလေစွ။ ကျွန်တော့် အဖိုးခြေရာ နည်းနည်းမှ မလိုက်မှီခဲ့ဘူး။ ဟွန်း :)
အဘိုးက မြေးတွေနှင့် အချိန်တော်တော်များများ ရှိနေတတ်တယ်။ ဘုန်းကြီးကျောင်း သွားမယ် ဆိုရင်တောင်မှ အိမ်က ရွာပါကျဲရိုး(ခ)ထော်လာဂျီလေးကို ထုတ်ပြီး သားသမီးမြေးတွေနှင့် အတူချီတက်တာ။ ကျွန်တော် ငယ်ငယ်တုန်းက ဘုန်းကြီးကျောင်း သွားရင် မောင်နှမတွေနှင့် ထမင်းဟင်း လက်ဆုံစားပြီးဆော့ရလို့ ပျော်ခဲ့သလို အဘိုးခေါ်လို့  တရားနာရတာကြောင့် ဘာသာရေးအသိနှင့် ရင်းနှီးခဲ့တယ်။ နောက်ပြီး အဘိုးက လယ်ယာခြံမြေ ကိုယ်တိုင်ပါရမှ ကျေနပ်တော့ လယ်ထဲ ခြံထဲ အခုထိ ဆင်းတုန်း ပဲဗျ ။ အားလုံးက ဝိုင်းတားပေမဲ့ စက်ဘီး တစ်စီးနှင့် ခိုးခိုးထွက်တာ။ အခုတောင် သူက ဆိုင်ကယ်သင်ပေးပါ တဲ့ လေ။ နောက်မှသိတာက သူ့ သူငယ်ချင်း အဖိုးကြီးတစ်ယောက်ကို အားကျလို့ တဲ့။ မျက်စိလည်း သိပ်မကောင်းတော့ဘူး အဲဒါတောင်သူက ။ လူကြီးတွေ ဆိုးရင်တော့ ဘယ်ပြောလို့  ရမလဲနော် :)

(၂)ဖွားထားခင်
အဘွားက ရိုးရိုးအေးအေးလေးနှင့် ချစ်ဖို့ အရမ်းကောင်းတယ်ဗျ။ ငယ်ငယ်တုန်းက အိမ်မှာ အဖေ ရိုက်ရင် အဖွားဆီ ပြေးတယ်။ အမေဆူရင်လည်း အဖွားဆီရောက်တယ်။ အဖွားပေါင်ပေါ် အိပ်ပြီး ကျွန်တော်ငိုငိုပြောတဲ့ စကားကို ပြုံးပြီး နားထောင်တတ်တရ်။ အဲဒီတုန်းက အဖွားဟာ ကျွန်တော်ရဲ့  သူရဲကောင်းကြီးပေါ့။ ပြောရမယ်ဆိုရင် အဖွားက နည်းနည်းတော့ ကပ်စီးနည်းတာလား စည်းစနစ်ကျတာလားတော့ မသိဘူး။သူက “အိမ်နောက်မှာ ဈေးဆိုင်တည်” စကားအတိုင်းပဲ အိမ်နောက် မြေကွက်လပ်မှာ စိုက်ထားပျိုးထားတဲ့ သစ်သီး ဝလံတွေ ဟင်းသီးဟင်းရွှက်တွေနှင့်တင် ဈေးထဲကိုသွားစရာမလိုတော့ဘူး။ အဲဒီမှာ တစ်နေ့  လုံးတကုတ်ကုတ်နဲ့ အလုပ်ရှုပ်နေတတ်တယ်။ ကျွန်တော်လည်း အဖွားဆီသွားရင်း ကူရင်းနဲ့  စိုက်ပျိုးရေးလုပ်တာ ဝါသနာ ပါလာတော့တယ်။

(၃)ဖိုးလုံး
ကျွန်တော့် အဖေ ဘက်က အဖိုးပေါ့။ သူက စိတ်က ခပ်တိုတိုရယ်။ လူပျိုတုန်းကဆိုရင် ဘယ်မှာရန်ပွဲဖြစ်လဲ သွားမမေးနဲ့  သူ ပါတယ်တဲ့။ သူ့ အမျိုးတွေထိရင် သူက တုတ်ဆွဲ ဓါးဆွဲတဲ့အထိ ဆိုးတယ်တဲ့လေ။ အိမ်ထောင် ကျတော့မှ အဖွား ထိန်းနိုင်လို့  ခြေငြိမ်သွားတယ်လို့ ပြောတာပဲ :):) ကျွန်တော်တစ်ခါ အပြင်မှာရန်ဖြစ်တော့ ကြီးတော်အပျိုကြီးက “ဘမျိုး ဘိုးတူ” တဲ့။ အဲဒါ အဘိုးကြားတော့ “ငါ့မြေးပဲ ငါနဲ့ တူမှာပေါ့”တဲ့။ ဟီး အဲလို အားပေးတာ။
ငယ်ငယ်တုန်းက အဖိုးလုံး စိတ်ကောင်းဝင်တဲ့ အချိန်ဆိုရင် ကျွန်တော့်ကို ဘယ်သွားသွား ချီပိုးပြီး ခေါ်သွားတတ်တရ်။ မုန့် စားရတော့ ဖိုးလုံးနားမှာပဲ ကပ်နေတာပေါ့။ ဒါကို သူက ကြွားသေးတရ်။ “င့ါမြေးက ငါ့ကို
တော်တော်ချစ်တာတဲ့”။ အဟတ်

(၄)ဖွားချစ်စိန်
အဖွားကတော့ ကျွန်တော် ကလေးဘဝကတည်းက ဆုံးသွားပါပြီး။ အဖွားက ကျောင်းဆရာမဆိုတော့ အရမ်း စည်းကမ်းကြီးတယ်တဲ့။ အိမ်မှာ ထမင်းစားရင် ဟင်းကသူ့ ခွဲတမ်းနှင့်သူ ပဲ ။ ကုန်သွားရင် မရတော့ဘူး။ ဝန်ထမ်းဆိုတော့လည်း ရတဲ့လစာနဲ့ ချွေတာ တာလည်း ဖြစ်မယ်ထင်တယ်။ အဲဒါကို အခုထိ ကျင့်သုံးနေတာက ကြီးတော်အပျိုကြီးဆရာမတွေပေါ့။

“အိုးမိုင် ဂရမ်းမား…အိုးမိုင် ဂရမ်းဖား တို့ ” အကြောင်းကို မပြင်မှာမပြောဖြစ်သမျှ ဘလော့မှာ ရေးလိုက်ပြီး။ တကယ်လို့  ကျွန်တော်ရဲ့ ဂရမ်းမား တို့ ဂရမ်းဖားတို့  ဘလော့ကင်းလုပ်လို့ တွေ့ သွားရင် ဒီတဂ်ပိုစ့်လေးကို တဂ်တဲ့ အမ မြရေလျဉ် ပဲနော်။ :) :) :)

လူတိုင်း နေဝင်ခါနီးအချိန်ဆိုတဲ့ အရွယ်ကို တစ်နေ့ တော့ရောက်ကြမှာပါပဲ။ အဲဒီအခါကျရင် ကိုယ့်မြေးလေး တွေနဲ့  စကားတွေ ပြောရင်း အထီးကျန်ချိန်ကလေးကို ပျော်ပျော်ရွှင်ရွှင် ကျော်ဖြတ် ချင်ကြမှာပါ။ ဒါမှမဟုတ်ဘူး ဆိုရင် မြေးလေးတွေရဲ့  အကူအညီနဲ့ ဘုရားသွားကျောင်းတက် ချင်ကြ မှာပါပဲ။ အဲဒီတော့ ကျွန်တော်တို့ လည်း မိဘတွေလိုပဲ သူတို့ ကို ဖေးမစောင့်ရှောက်ကြစို့ နော်။

တဂ်ပိုစ့်ဆိုတဲ့အတိုင်း လက်ဆင့်ကမ်းရမဲ့ တာဝန်လေးရှိပြန်လေတော့ အပျိုကြီးမမ ၊ ဘကြီးတော် ၊ ညီဇော် နှင့်နွေးနေခြည် တို့ ရေ................
 

Posts Comments

©2006-2010 ·TNB